Бүгін Алматыда картоннан жасалған қағаз үйді өртеп, сол арқылы өзінің жағдайын білдіргісі келген жалғызбасты ана Айнұр Сұрапбергенова ертең өзін осылай өртеуге дейін баратынын мәлімдеді. "Ұлан" гвардиясында он жылдан артық қызмет етіп, маңдай терімен қол жеткізген бөлме үшін күрес осыдан бірнеше жыл бұрын басталған. 2002 жылы декреттік демалыстан соң жұмыстан заңсыз шығарылып, жатақхана бөлмесін босату туралы шешім қағазын алдым дейді Айнұр Сұрапбергенова. Гвардия басшыларының мұндай үкіміне қарсы шыққан ана президент атына алты рет хат жазып, Жоғарғы сотқа да шағымданған...